ચરોતર : Charotar

સરસ્વતિ સ્વામીને વિનવું રે

Posted on 17th Dec, 2013 | Pastor: Admin

	સરસ્વતિ સ્વામીને વિનવું રે,
	ગણપત લાગુ પાય રે શાંતાબહેન
		તમે રે ગોરાં ને રાયવર શામળા રે,
	ડાકોરમાં ઠાકોર શામળા રે,
	એ રે દેખીને મન વાળો શાંતાબહેન
		તમે રે ગોરાં ને રાયવર શામળા રે,
	દ્રારકામાં શ્રી કૃષ્ણ શામળા રે,
	એ રે દેખીને મન વાળો શાતાંબહેન
		તમે રે ગોરાને રાયવર શામળા રે.
શબ્દાર્થઃ	સરસ્વતિ સ્વામી-વિધાના દેવી સરસ્વતી, ગણપત-ગણપતિ, રઇવર-વરરાજા.
સમજૂતીઃ
1) કેટલાક સમજોગોમાં કન્યાનું રૂપ ગોરું હોય છે અને વરરાજાનું રૂપ કાળું હોય છે.
2) શામળા રૂપવાન વરરાજા ડાકોરના ઠાકોર કે દ્રારકાના શ્રી કૃષ્ણ જેવી ગુણવાન હોય તો વરકન્યાનુમ આ જોડું વધારે સારું ગણાય એમ સમજાવવાનો આ ગીતનો ભાવાર્થ છે.
3) વરના રંગરૂપમાં સાઘારણ ખામી હોય પણ તે ગુણવાન, કમાતો અને સારા કુટુંબનું ભરણપોષણ કરી શકતો હોય તો તે વધારે સારો ગણાય.
4) આવો વર મિથ્યાભિમાની ન હોય અને તેથી તે તેની ભાવી પત્ની સાથે આખું જીવન સમપ, સહકાર અને પ્રેમથી રહે તેવુમ સમજાવવાનો આ ગીતનો ભાવાર્થ છે.

	રંગરૂપની ખામીવાળો વર માયાળુ અને પ્રેમાળ હોય.

ચરોતર